Plantun de Prouvènço

Pèr coumpara dos planto d'encò nostre

Hainardia cylindrica & Lilium martagon

Hainardia cylindrica

Poaceae Graminaceae

Nom en français : Lepture cylindrique.

Descripcioun :
Lou leturo-redoun trachis dins li pelouso e li terro argielouso, de cop que i'a salado. L'espigo, de 5 à 25 cm, èi redouno en cilindre, mai o mens enarcado ; caup de 10 à 45 espigueto encastado. Apoudèn que s'atrobo uno souleto glumo (de 5 à 8,5 mm) pèr espigueto, au contro di planto dóu gènre proche Parapholis, que n'an dos. Quicha çai-souto sus la flècho de coumparesoun pèr vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Hainardia
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 25 cm
Flourido : Printèms

Sòu : Ca
Autour basso e auto : 0 à 100 m
Aparado : Noun
Mai à jun

Liò : Tepiero umido l'ivèr - Argielo
Estànci : Termoumediterran à Coulinen
Couroulougi : Eurimediterrano
Ref. sc. : Hainardia cylindrica (Willd.) Greuter, 1967 (= Lepturus cylindricus (Willd.) Trin., 1820 )

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.